ფიზიკაგასული წლების ტესტები2021 წლის ტესტი
(კითხვები ამ კატეგორიიდან)
სულ კითხვა: 66
უფასო: 66
ფასიანი: 0
# 2521
ნახატზე გამოსახულია x ღერძზე მოძრავი სხეულის სიჩქარის გეგმილის დროზე დამოკიდებულების გრაფიკი. რისი ტოლი იყო საწყისი წერტილიდან სხეულის მაქსიმალური დაშორება დროის (0 წმ, 2 წმ) შუალედში?
# 2522
A წერტილიდან 2 სმ, 3 სმ და 6 სმ დაშორებით მოთავსებულია სამი ტოლი q მუხტი (იხ. ნახ.). A წერტილიდან რა მანძილზე უნდა მოვათავსოთ (-q) მუხტი, რომ ველის პოტენციალი A წერტილში 0-ის ტოლი გახდეს?
# 2523
ნახატზე გამოსახულია x ღერძზე მერხევი სხეულის კოორდინატის დროზე დამოკიდებულების გრაფიკი. განსაზღვრეთ სხეულის მიერ გავლილი მანძილი დროის (0,8 წმ; 4,8 წმ) შუალედში.
# 2524
ნახატზე გამოსახულია x ღერძზე მერხევი 1კგ მასის სხეულის სიჩქარის გეგმილის დროზე დამოკიდებულების გრაფიკი. განსაზღვრეთ იმპულსის ცვლილების მოდული t=2 წამიდან t=4 წამამდე.
# 2525
დიაგრამის ხუთი წერტილი გამოხატავს ხუთ სხვადასხვა რეზისტორზე მოდებულ ძაბვებს და მათში გამავალ დენის ძალებს. რომელი რეზისტორის წინაღობაა უდიდესი?
# 2526
რა სიჩქარით უნდა ავაგდოთ კენჭი ვერტიკალურად ზევით, რომ ის დაეცეს დედამიწის ზედაპირს 4 წმ-ის შემდეგ? ჩათვალეთ, რომ თავისუფალი ვარდნის აჩქარებაა 10 მ/წმ2 . ჰაერის წინააღმდეგობას ნუ გაითვალისწინებთ.
# 2527
0,8 მ სიმაღლის გლუვ დახრილ სიბრტყეზე უსაწყისო სიჩქარით ჩამოსრიალდა ძელაკი (იხ. ნახ.). განსაზღვრეთ, რა სიჩქარეს მიაღწია ძელაკმა სიბრტყის ფუძესთან. ჰაერის წინააღმდეგობას ნუ გაითვალისწინებთ. თავისუფალი ვარდნის აჩქარებაა 10 მ/წმ2 .
# 2528
x-ით გაჭიმულ k სიხისტის ზამბარაში აღძრული დრეკადობის ძალაა F. მოყვანილი სამი ფორმულიდან რომელია ამ ზამბარის პოტენციალური ენერგიის ფორმულა?
# 2529
გლუვ ჰორიზონტალურ ზედაპირზე 2 მ/წმ სიჩქარით მისრიალებს 2 კგ მასის სხეული. მასზე მოქმედება დაიწყო საწყისი სიჩქარის მართობულმა და ზედაპირის პარალელურმა 1 ნ-ის ტოლმა მუდმივმა ძალამ. განსაზღვრეთ სხეულის იმპულსის მოდული ძალის მოქმედების დაწყებიდან 3 წმ-ის შემდეგ.
# 2530
სამი დადებითად დამუხტული წერტილოვანი მუხტი მოთავსებულია ერთ წრფეზე (იხ. ნახ.). რისი ტოლი უნდა იყოს y/x მანძილების შეფარდება, რომ შუა მუხტზე მოქმედი ჯამური ელექტრული ძალა ნულის ტოლი იყოს?
# 2531
ნახატზე გამოსახული ორი q მუხტი A წერტილში ქმნის φ პოტენციალს. განსაზღვრეთ φ1 პოტენციალი A წერტილში, თუ მუხტებს გადავიტანთ შუა B წერტილში. პოტენციალი ნულის ტოლად ითვლება უსასრულობაში.
# 2532
თუ რხევითი კონტურის კონდენსატორის ტევადობას და ასევე კოჭას ინდუქციურობას გავზრდით 2-ჯერ, მაშინ რხევითი კონტურის საკუთარი რხევის სიხშირე:
# 2533
2 კგ მასის უძრავმა სხეულმა მუდმივი ძალის მოქმედებით დაიწყო თანაბარაჩქარებულად მოძრაობა და 2 წმ-ში გაიარა 6 მ. განსაზღვრეთ სხეულზე მოქმედი ძალის მოდული.
# 2534
2 კგ მასის უძრავმა სხეულმა მუდმივი ძალის მოქმედებით დაიწყო თანაბარაჩქარებულად მოძრაობა და 2 წმ-ში გაიარა 6 მ. განსაზღვრეთ სხეულის იმპულსის მოდული იმ მომენტში, როდესაც მოძრაობის დაწყებიდან გასულია 3 წმ.
# 2535
2 კგ მასის უძრავმა სხეულმა მუდმივი ძალის მოქმედებით დაიწყო თანაბარაჩქარებულად მოძრაობა და 2 წმ-ში გაიარა 6 მ. განსაზღვრეთ სხეულის კინეტიკური ენერგია იმ მომენტში, როდესაც მოძრაობის დაწყებიდან გასულია 2 წმ.
# 2536
ვერტიკალურ მუხლებიანი ზიარჭურჭლის ერთი მუხლის დიამეტრი 1 მმ-ია, მეორის კი 2 მმ. ზიარჭურჭელში ასხია წყალი. უფრო წვრილი მუხლი გადახარეს გარკვეული კუთხით. ამ მუხლში წყლის სიგრძე L-ით გაიზარდა. რამდენით შემცირდა წყლის სიგრძე მეორე მუხლში?
# 2537
ნახატზე გამოსახული სისტემა წონასწორობაშია. განსაზღვრეთ mx , თუ m მოცემული სიდიდეა (ხახუნი, ჭოჭონაქების ზომები და მასა უგულებელყავით).
# 2538
წყლის ზედაპირზე გავრცელებული ტალღის ორ უახლოეს ბურცობს შორის მანძილი 3 მ-ია, ტალღის სიჩქარე კი 2 მ/წმ. რამდენ რხევას შეასრულებს ტივტივა 1 წუთში?
# 2539
q, q და 2q წერტილოვანი მუხტები დამაგრებულია ერთ წრფეზე ერთმანეთის მიყოლებით ტოლ მანძილებზე (იხ. ნახ.). 2q მუხტზე მოქმედი ელექტრული ძალის მოდული 20 ნ-ია. რისი ტოლია შუა მუხტზე მოქმედი ელექტრული ძალის მოდული?
# 2540
ავტომობილზე მოქმედი ჰაერის წინააღმდეგობის ძალა ავტომობილის სიჩქარის პირდაპირპროპორციულია. რამდენჯერ უნდა გავზარდოთ ავტომობილის ძრავის სიმძლავრე, რომ ავტომობილის თანაბარი მოძრაობის სიჩქარე 3-ჯერ გაიზარდოს?