ფიზიკაგასული წლების ტესტები2017 წლის ტესტი
(კითხვები ამ კატეგორიიდან)
სულ კითხვა: 41
უფასო: 41
ფასიანი: 0
# 2688
გრაფიკი გამოსახავს X ღერძზე მოძრავი სხეულის x კოორდინატის დამოკიდებულებას დროზე. რომელ წერტილშია (წერტილებშია) სხეულის კინეტიკური ენერგია მინიმალური?
# 2689
მეტეორიტი უახლოვდება დედამიწას. დედამიწის ზედაპირიდან 3R0 მანძილზე მისი აჩქარებაა a. რისი ტოლი გახდება მეტეორიტის აჩქარება, როდესაც იგი მიუახლოვდება დედამიწის ზედაპირს 2R0 მანძილზე? R0 დედამიწის რადიუსია.
# 2690
ამწეს 5ტ მასის ტვირთი ააქვს ვერტიკალურად ზევით 0,4 მ/წმ სიჩქარით. რა სიმძლავრეს ავითარებს ამწე? (g=10 მ/წმ2 )
# 2691
მოცემული მასის იდეალური აირის აბსოლუტური ტემპერატურის იზოქორულად ∆T-თი გაზრდისას, მისი წნევა n-ჯერ გაიზარდა. განსაზღვრეთ აირის საწყისი აბსოლუტური ტემპერატურა.
# 2692
განსაზღვრეთ იდეალური აირის მიერ a- b პროცესში შესრულებული მუშაობა (იხ. ნახ.).
# 2693
ნახატზე გამოსახულია სინათლის სხივის სვლა წყლიდან ჰაერში. ნახატის მონაცემების მიხედვით განსაზღვრეთ წყლის გარდატეხის აბსოლუტური მაჩვენებელი. ჰაერის გარდატეხის აბსოლუტური მაჩვენებელი 1-ის ტოლად ჩათვალეთ.
# 2694
საგანი დევს F ფოკუსური მანძილის მქონე შემკრები ლინზის მთავარ ოპტიკურ ღერძზე 2F წერტილიდან 3F წერტილამდე, როგორც ნახატზეა გამოსახული. განსაზღვრეთ მისი გამოსახულების სიგრძე.
# 2695
ჭოჭონაქზე გადადებული ძაფის ერთ ბოლოზე დაკიდებულია m მასის ძელაკი, ხოლო ძაფის მეორე ბოლო მიბმულია დახრილ სიბრტყესთან მყარად მიმაგრებულ ღეროზე (იხ. ნახ.). ძაფის ნაწილი, რომელიც დახრილი სიბრტყის ზევითაა, მისი პარალელურია. განსაზღვრეთ ჭოჭონაქის ღერძზე დაწოლის ძალა. ჭოჭონაქის მასა და ღერძთან ხახუნი უგულებელყავით.
# 2696
1კგ მასის სხეულზე მოქმედებს სამი ურთიერთმართობული ძალა: 2ნ, 3ნ და 6ნ. განსაზღვრეთ სხეულის აჩქარება.
# 2697
ნახატზე გამოსახული დახრილი სიბრტყე გლუვია. ჭოჭონაქის მასა და ღერძთან ხახუნი უგულებელყავით და გამოთვალეთ ტვირთების აჩქარება.
# 2698
(-q) მუხტით დამუხტული ორი პატარა ბურთულა გადაბმულია არაგამტარი ძაფით. რა წერტილოვანი მუხტი უნდა მოვათავსოთ ძაფზე ბურთულებს შორის, რომ ძაფის დაჭიმულობის ძალა ყველგან განახევრდეს?
# 2699
დამაგრებულ q და (-4q) წერტილოვან მუხტებს შორის მანძილია d. q მუხტიდან რა მანძილზე იქნება ველის დაძაბულობა 0-ის ტოლი?
# 2700
სქემაზე ნაჩვენები 2C ტევადობის კონდენსატორი დამუხტულია U ძაბვამდე, C ტევადობის კონდენსატორი კი განმუხტულია. რისი ტოლი გახდება ძაბვა C ტევადობის კონდენსატორზე K ჩამრთველის ჩართვის შემდეგ?
# 2701
a გვერდიანი კვადრატის ოთხივე წვეროში დამაგრებულია q წერტილოვანი მუხტი. უახლოესი ორი მუხტის ურთიერთქმედების ძალა იყოს F. იპოვეთ, რა მინიმალური მუშაობა უნდა შევასრულოთ, რომ კვადრატისაგან მის ზომასთან შედარებით დიდი მანძილით დაშორებული წერტილიდან უძრავი q წერტილოვანი მუხტი გადავიტანოთ კვადრატის ცენტრში.
# 2702
რხევით კონტურში მაქსიმალური დენის ძალაა I0. რისი ტოლი იქნება დენის ძალა იმ მომენტში, როდესაც კონდენსატორის ენერგია კოჭას ენერგიაზე 3-ჯერ მეტი იქნება?
# 2703
32 სმ სიგრძის ერთგვაროვანი ძელაკი მოძრაობს ჰორიზონტალური ზედაპირის გლუვ მარცხენა ნაწილზე (იხ. ნახ.). ზედაპირის მარჯვენა ნაწილთან ძელაკის ხახუნის კოეფიციენტია 0,2. მინიმუმ რა სიჩქარე უნდა ჰქონდეს ძელაკს, რომ მთლიანად გადავიდეს ზედაპირის მარჯვენა ნაწილზე?
# 2704
ჰორიზონტალური ზედაპირიდან კუთხით გასროლილი სხეულის ფრენის მაქსიმალური სიმაღლეა h. განსაზღვრეთ სხეულის ფრენის სიშორე, თუ ფრენის მაქსიმალურ სიმაღლეზე სხეულის კინეტიკური და პოტენციალური ენერგიები ერთმანეთის ტოლია. პოტენციალური ენერგია აითვლება ჰორიზონტალური ზედაპირიდან. ჰაერის წინააღმდეგობა მხედველობაში არ მიიღება.
# 2705
ყუმბარა გაისროლეს ჰორიზონტისადმი კუთხით. ფრენის მაქსიმალურ სიმაღლეზე ასვლის მომენტში იგი გასკდა ორ ტოლ ნაწილად, რომელთაგან ერთ-ერთმა დაიწყო უსაწყისო სიჩქარით თავისუფალი ვარდნა. გასროლის წერტილიდან რა მანძილზე დაეცემა მეორე ნატეხი, თუ პირველი დაეცა გასროლის წერტილიდან L მანძილზე? ჰაერის წინააღმდეგობა უგულებელყავით.
# 2706
ორი ერთნაირი პლასტილინის ბურთულა, რომლებიც ურთიერთმართობულად მოძრაობდა, შეეჯახა ერთმანეთს, რის შემდეგაც შეწებებული ბურთულები ერთად აგრძელებენ მოძრაობას. რისი ტოლია სითბოში გადასული ენერგია, თუ თითოეულის კინეტიკური ენერგია შეჯახებამდე E-ს ტოლი იყო?
# 2707
ორი სხეული ერთდროულად გაისროლეს ერთი და იმავე ადგილიდან, ერთი 4 მ/წმ სიჩქარით ვერტიკალურად ზევით, მეორე კი 3 მ/წმ სიჩქარით ჰორიზონტალური მიმართულებით. განსაზღვრეთ მანძილი სხეულებს შორის 3 წამის შემდეგ. მთელი ამ დროის განმავლობაში სხეულები არაფერს ეჯახებიან. ჰაერის წინააღმდეგობის ძალა არ გაითვალისწინოთ.
