ისტორია>გასული წლების ტესტები>2022 წლის ტესტი
(კითხვები ამ კატეგორიიდან)

სულ კითხვა: 59

უფასო: 59

ფასიანი: 0

1 2 3

გვერდი 3 / 3

# 602 რომელი ფაქტია მართებული ნაპოლეონის ხელისუფლებაში ყოფნის შესახებ?

იმპერატორად კურთხევამდე ის პირველი კონსულის თანამდებობას იკავებდა;

ჟირონდისტების ხელისუფლების დამხობის შემდეგ ის დირექტორიის წევრი გახდა;

იაკობინელების ხელისუფლების დასრულების შემდეგ მან თავი დიქტატორად გამოაცხადა;

სახელმწიფოს მეთაურად არჩევამდე ის კონვენტის თავმჯდომარე იყო.

# 603 რომელი მსჯელობაა მართებული იტალიის გაერთიანების შესახებ?

ყველაფერი ჯუზეპე მაძინის გეგმის მიხედვით წარიმართა, რაც ძირითადად საფრანგეთის წინააღმდეგ ჯუზეპე გარიბალდის არმიის წარმატებულ მოქმედებას ემყარებოდა;

ძალიან მნიშვნელოვანი იყო კამილო კავურის როლი, ხოლო საბოლოოდ გაერთიანებული იტალიის სახელმწიფოს მეფე ვიტორიო ემანუელე II გახდა;

უმთავრეს პრობლემას ავსტრიის მიერ ოკუპირებული პაპის ოლქი წარმოადგენდა, მაგრამ რომის პაპის დახმარებითა და საფრანგეთის მხარდაჭერით მაინც მოხერხდა რომის გათავისუფლება;

ნეაპოლის სამეფოს მცდელობა, გაეერთიანებინა აპენინის ნახევარკუნძულზე არსებული სამეფოსამთავროები, პრუსიის აქტიური დახმარებით საბოლოოდ წარმატებით დასრულდა.

# 604 რა სახელწოდებით არის ცნობილი სამშვიდობო გეგმა, რომელიც აშშ-ს პრეზიდენტმა წარადგინა პარიზის სამშვიდობო კონფერენციაზე?

უილსონის თოთხმეტი პუნქტი;

ტრუმენის დოქტრინა;

მარშალის გეგმა;

მონროს დოქტრინა.

# 605 პირველ მსოფლიო ომში გამარჯვებული რომელი ორი დიდი სახელმწიფოს პოზიციამ იქონია გავლენა საქართველოს წევრობასთან დაკავშირებით ერთა ლიგის გადაწყვეტილებაზე?

აშშ-სა და დიდი ბრიტანეთის;

დიდი ბრიტანეთისა და საფრანგეთის;

საფრანგეთისა და ჩინეთის;

ჩინეთისა და აშშ-ს

# 606 რომელი ინფორმაციაა მართებული 1991 წლის 31 მარტს საქართველოში ჩატარებული რეფერენდუმის შესახებ?

მოსახლეობას უნდა დაეფიქსირებინა საკუთარი პოზიცია, სურდა თუ არა, რომ საქართველოში ჩატარებულიყო მრავალპარტიული არჩევნები;

ამომრჩევლებს პასუხი უნდა გაეცათ კითხვაზე, ეთანხმებოდა თუ არა საბჭოთა კავშირის, როგორც ერთიანი სახელმწიფოს შენარჩუნებას;

მოსახლეობას უნდა გადაეწყვიტა, უნდა გაგრძელებულიყო თუ არა 1978 წელს მიღებული კონსტიტუციის მოქმედება;

მოქალაქეებს უნდა ეპასუხათ კითხვაზე, სურდათ თუ არა საქართველოს დამოუკიდებლობის აღდგენა 1918 წლის დამოუკიდებლობის აქტის საფუძველზე.

# 607 რა იყო ფინიკიური ქალაქ-სახელმწიფოების განვითარების ერთ-ერთი შედეგი?

პალესტინაში ერთიანი სამეფოს ჩამოყალიბება;

ბერძენ მოლაშქრეთა თავდასხმების მოგერიება;

ხმელთაშუაზღვისპირეთის კოლონიზაცია;

ზღვაზე ეგვიპტელთა მეკობრეობის აღკვეთა.

# 608 რომელი ინფორმაციაა მართებული აქემენიანთა სახელმწიფოს შესახებ?

მცირე აზიის ბერძნული კოლონიების წინააღმდეგ დაწყებულ ომში კამბისმა გაიმარჯვა;

ხოსროს უშუალო მემკვიდრემ გააგრძელა მისი პოლიტიკა და ეგვიპტის სამეფო დაიპყრო;

პეროზმა შეწყვიტა დაპყრობითი ომები და თავდაცვით პოლიტიკაზე გადავიდა;

სახელმწიფოს უკანასკნელი მმართველი დარიოსი მაკედონელებთან ბრძოლაში დამარცხდა.

# 609 რომელი ინფორმაციაა მართებული ელინიზმის შესახებ?

ახალ სამეფოებს ბერძნულ-მაკედონური დინასტიები მართავდნენ;

ახალი ეპოქა ფილიპე მაკედონელის მიერ იმპერიის შექმნით დაიწყო;

ევროპაში სწრაფი გავრცელება დაიწყო აღმოსავლურმა კულტურამ;

დიადოქოსების შეთანხმებით პტოლემაიოსმა მცირე აზიაში ახალი სახელმწიფო დააარსა.

# 610 რა ფაქტი ადასტურებს ქართლის სამეფოს ვასალურ დამოკიდებულებას სასანიანთა ირანისადმი V საუკუნის მეორე ნახევარში?

შაჰის ბრძანებით ახლადაგებული თავდაცვითი ნაგებობების სისტემის მოშლა სამხრეთ საზღვარზე;

ქართლის მარზპანის დახმარება სომხეთსა და ალბანეთში აჯანყებულების წინააღმდეგ ბრძოლაში;

ქრისტიანობის პარალელურად ისლამის თავისუფლად ქადაგების დაშვება;

ქართლის მეფის მონაწილეობა ირანის ჯართან ერთად შუა აზიაში ლაშქრობაში.

# 611 რომელი სახელმწიფო დაამარცხეს მონღოლებმა საქართველოში პირველ შემოჭრამდე?

ხორეზმის სამეფო;

ბაღდადის საამირო;

რუმის სასულთნო;

დამასკოს სახალიფო

# 612 რა შედეგით დასრულდა XIV საუკუნეში გამართული კოსოვოს ბრძოლა?

ოსმალებს ევროპელმა რაინდებმა შეუტიეს და დუნაიზე გადასვლის საშუალება არ მისცეს;

ბიზანტიის იმპერატორი შეეცადა ოსმალების შეჩერებას, მაგრამ დამარცხდა;

ბულგარელებისა და ბერძნების გაერთიანებულ ჯართან ოსმალებმა მარცხი იწვნიეს;

ოსმალებს სერბთა ჯარი დაუპირისპირდა, მაგრამ ბრძოლაში ოსმალებმა გაიმარჯვეს.

# 613 რომელი ფაქტი უკავშირდება მარტინ ლუთერის სახელს?

ჰელიოცენტრული თეორიის შექმნა;

ბიბლიის გერმანულ ენაზე თარგმნა;

ანგლიკანური ეკლესიის დაფუძნება;

ხელისუფლების დანაწილების პრინციპის შემუშავება.

# 614 რა მიზეზით გაჭიანურდა ირანში ვახტანგ VI-ის ქართლის მეფედ დამტკიცება?

ვახტანგი დიდი ხანი ცხოვრობდა რუსეთში და ამიტომ შაჰი არ ენდობოდა;

შაჰი ოსმალეთიდან გამოსატყუებლად ქართლის ტახტს ვახტანგის ძმას ჰპირდებოდა;

ვახტანგი დიდი ხანი უარს ამბობდა რწმენის შეცვლასა და ისლამის მიღებაზე;

ვახტანგი უარს აცხადებდა შეეწყვიტა სავაჭრო ურთიერთობა ევროპასთან.

# 615 რომელი ევროპელი მონარქი არ მონაწილეობდა შვიდწლიან ომში?

პრუსიის მეფე ფრიდრიხ II;

საფრანგეთის მეფე ლუი XIV;

რუსეთის იმპერატორი ელიზავეტა I;

ავსტრიის იმპერატორი მარია-ტერეზა.

# 616 რომელი მსჯელობაა მართებული ქუჩუკ-კაინარჯის ზავის შესახებ?

ოსმალეთი აჭარას იმერეთის სამეფოს, ხოლო ჯავახეთს ქართლ-კახეთის სამეფოს უთმობდა;

იმერეთი რუსეთის იმპერიის პროტექტორატად ცხადდებოდა;

ოსმალები ფოთის ციხეს თმობდნენ, მაგრამ ის არც რუსებს არ უნდა დაეკავებინათ;

ოსმალეთი უარს აცხადებდა იმერეთიდან ხარკის აღებაზე

# 617 რა ეწოდება ევროპის დიდი სახელმწიფოების წარმომადგენელთა შეხვედრას, რომელზეც ნაპოლეონის ომების შემდგომი ევროპის მოწყობის საკითხები განიხილებოდა?

ბერლინის კონგრესი;

პარიზის კონფერენცია;

ვენის კონგრესი;

პოტსდამის კონფერენცია.

# 618 რა უკავშირდება გენერალ მოლტკეს მოღვაწეობას?

ესპანეთში მიმდინარე რეკონკისტას ხელმძღვანელობა;

ავსტრია-უნგრეთში სამხედრო რეფორმის გატარება;

გერმანიის გაერთიანებისთვის ბრძოლა;

საღვთო რომის იმპერიის გაძლიერება

# 619 რომელი მსჯელობაა მართებული იტალიის გაერთიანების შესახებ?

რუსეთის გამარჯვებამ ავსტრიასთან ომში გააადვილა ქალაქ ფლორენციის დაკავება იტალიის სამეფოს ჯარების მიერ და ეს გარდამტეხი აღმოჩნდა გაერთიანებისათვის ბრძოლაში;

საფრანგეთის გამარჯვებამ ავსტრია-უნგრეთთან ომში საშუალება მისცა იტალიის სამეფოს დაეკავებინა ქალაქი ნეაპოლი და ამით დასრულდა ქვეყნის გაერთიანება;

ავსტრიის მარცხმა ოსმალეთთან ომში შეასუსტა მისი პოზიციები ლომბარდიაში და ამით გაუადვილა იტალიის გაერთიანებულ სამეფოს დაეკავებინა ქალაქი მილანი;

საფრანგეთის მარცხმა პრუსიასთან შესაძლებელი გახადა ქალაქ რომის შეერთება იტალიის სამეფოსთან და ამით გაერთიანებისათვის ბრძოლა დასრულდა.

# 620 რის საფუძველზე გამოაცხადა საქართველოს უზენაესმა საბჭომ დამოუკიდებლობის აღდგენა 1991 წლის 9 აპრილს?

საყოველთაო რეფერენდუმის;

ახალი კონსტიტუციის;

პრეზიდენტის ბრძანების;

მთავრობის დადგენილების.

1 2 3

გვერდი 3 / 3

შესვლა

კონტაქტი

კატეგორიები

ისტორია>გასული წლების ტესტები>2022 წლის ტესტი (კითხვები ამ კატეგორიიდან)

ისტორია>გასული წლების ტესტები>2022 წლის ტესტი
(კითხვები ამ კატეგორიიდან)