ისტორია>გასული წლების ტესტები>2021 წლის ტესტი
(კითხვები ამ კატეგორიიდან)

სულ კითხვა: 75

უფასო: 75

ფასიანი: 0

1 2 3 4

გვერდი 2 / 4

# 641 სხვა მიზეზებთან ერთად, რამ განაპირობა საქართველოს დაშლა სამეფო-სამთავროებად?

ყიზილბაშების შემოსევებმა და მტრის მიერ თბილისის დაპყრობამ;

ქართლისა და ჰერეთის ერისთავების მეფისადმი დაუმორჩილებლობამ;

იმერეთის ერისთავისა და სამცხის მთავრის განდგომამ;

მეფის დაღუპვამ თეთრბატკნიან თურქმანებთან ბრძოლაში.

# 642 რომელი ინფორმაციაა მართებული მოსკოვის დიდი მთავრის ივანე III-ის შესახებ?

ყაზანისა და ასტრახანის სახანოები დაიპყრო და მთელ ვოლგისპირეთს დაეუფლა;

დაასრულა მონღოლთა ბატონობა და ისინი საბოლოოდ განდევნა რუსეთიდან;

ბალტიის ზღვაზე გასასვლელი მოიპოვა და იქ ქალაქი სანქტ-პეტერბურგი დააარსა;

ექსპედიცია გააგზავნა შორეულ აღმოსავლეთში და ციმბირი რუსეთს შეუერთა.

# 643 სხვა მიზეზებთან ერთად, რამ გამოიწვია XVI საუკუნის II ნახევარში ანტვერპენის დაკნინება და მისი უწინდელი სავაჭრო მნიშვნელობის დაკარგვა?

ესპანელ ჯარისკაცთა მიერ ანტვერპენის აღებამ და ქალაქის სასტიკმა დარბევამ;

ინგლისელთა მიერ ანტვერპენის გაძარცვამ და ვაჭრების ლონდონში გადასახლებამ;

ანტვერპენში მომხდარმა ამბოხებამ და მდიდარ მოქალაქეთათვის ქონების ჩამორთმევამ;

ანტვერპენის ლუთერანთა ხელში გადასვლამ და ქალაქიდან კათოლიკეთა განდევნამ.

# 644 რომელი მსჯელობა არ არის მართებული ქართლ-კახეთის სამეფოს შესახებ?

ქართლ-კახეთის სამეფოში არსებობდა რეგულარული ლაშქარი - მორიგე ჯარი, რომელსაც ქვეყნის დაცვა და ლეკიანობის აღკვეთა ევალებოდა;

ირანელებმა აღა მაჰმად ხანის მეთაურობით კრწანისის ბრძოლაში ქართველები დაამარცხეს და თბილისი აიღეს;

გეორგიევსკის ტრაქტატით ქართლ-კახეთმა რუსეთის იმპერიის პროტექტორატი მიიღო, თუმცა შეინარჩუნა საშინაო დამოუკიდებლობა;

ასპინძის ბრძოლაში გაერთიანებულმა ქართულ-რუსულმა ლაშქარმა გაიმარჯვა და სამცხე ოსმალთა ბატონობისაგან გაათავისუფლა.

# 645 ვინ დაიკავა პირველი კონსულის თანამდებობა საფრანგეთში დირექტორიის დამხობის შემდეგ?

მაქსიმილიან რობესპიერმა;

ნაპოლეონ ბონაპარტმა;

ჟორჟ დანტონმა;

შარლ მორის დე ტალეირანმა.

# 646 სხვა ფაქტორებთან ერთად, შარლ X-ის რა გადაწყვეტილებამ შეუწყო ხელი 1830 წელს საფრანგეთში რევოლუციის დაწყებას?

აზიაში ახალი კოლონიური ომის დაწყებამ;

გენერალური შტატების არჩევნების გაუქმებამ;

კონსტიტუციის მიღებაზე ვეტოს დადებამ;

პრესის თავისუფლების აკრძალვამ

# 647 რომელი მსჯელობაა მართებული გერმანიის გაერთიანების შესახებ?

დანიასთან, ავსტრიასთან და საფრანგეთთან ომების შემდეგ პრუსიამ შეძლო გერმანული სახელმწიფოების გაერთიანება და შეიქმნა გერმანიის იმპერია;

პრუსიის მიერ ავსტრიის, საფრანგეთისა და იტალიის დამარცხებამ შესაძლებელი გახადა გერმანული სახელმწიფოების კონფედერაციის შექმნა;

გერმანიის გაერთიანებას ყველაზე მეტად საფრანგეთი ეწინააღმდეგებოდა, თუმცა ინგლისთან დამარცხების შემდეგ ხელის შეშლა აღარ შეეძლო;

ავსტრიის მარცხმა რუსეთთან ომში საშუალება მისცა პრუსიას, გაერთიანების პროცესს ჩადგომოდა სათავეში და ის წარმატებით დაესრულებინა.

# 648 რა მოვლენამ გამოიწვია 1917 წლის მარტში რუსეთში დროებითი მთავრობის ჩამოყალიბება?

დამფუძნებელი კრების არჩევნების ჩაშლამ;

პირველ მსოფლიო ომში კაპიტულაციამ;

იმპერატორის გადადგომამ;

გლეხთა მასობრივმა აჯანყებებმა.

# 649 მეორე მსოფლიო ომის დასაწყისში რომელი სახელმწიფოს ერთობლივი ოკუპაცია მოახდინეს სსრკ-მ და ნაცისტურმა გერმანიამ?

პოლონეთის;

ფინეთის;

რუმინეთის;

ლატვიის.

# 650 რომელი მსჯელობაა მართებული „ჩრდილო-ატლანტიკური ხელშეკრულების ორგანიზაციის - NATO“-ს შექმნის შესახებ?

ორგანიზაციის შექმნა განაპირობა კარიბის კრიზისის შემდეგ დაწყებულმა დაპირისპირებამ აშშ-სა და სსრკ-ს შორის და მისი მიზანი იყო კომუნიზმის გავრცელების შეჩერება;

ორგანიზაცია შეიქმნა XX საუკუნის 40-იანი წლების ბოლოს და მისი მიზანი იყო საბჭოთა კავშირის მხრიდან მოსალოდნელი საფრთხისაგან წევრი სახელმწიფოების დაცვა;

ორგანიზაცია ჩამოყალიბდა მეორე მსოფლიო ომის დროს როგორც, ანტიჰიტლერული კოალიცია და ომის შემდეგ მისი მიზანი გახდა, დემოკრატიული ფასეულობების დაცვა;

ორგანიზაცია დაფუძნდა XX საუკუნის 50-იან წლებში როგორც, დასავლეთ ევროპის ქვეყნების საპასუხო ნაბიჯი სსრკ-ის მიერ სოციალისტური ქვეყნების სამხედრო ბლოკის შექმნაზე.

# 651 ტრადიციის მიხედვით, ვის უკავშირდება სპარტაში კანონების ჩამოყალიბება?

კლისთენეს;

სოლონს;

პერიკლეს;

ლიკურგოსს.

# 652 რომელი მსჯელობაა მართებული ძვ. წ. 190 წელს რომის რესპუბლიკასა და სელევკიდების სამეფოს შორის გამართული ბრძოლის შედეგის შესახებ?

რომმა მცირე აზიის ნახევარკუნძულის დიდ ნაწილში მოიკიდა ფეხი;

სელევკიდების სამეფომ დროებით შეაჩერა რომის წინსვლა ბალკანეთისკენ;

სელევკიდების სამეფომ დაიბრუნა მანამდე დაკარგული ტერიტორიები;

რომმა და სელევკიდების სამეფომ უცვლელად დატოვეს ომამდე არსებული საზღვრები.

# 653 რომელი ინფორმაცია არ არის მართებული V საუკუნის დასავლეთ რომის იმპერიის ისტორიის შესახებ?

ბარბაროსთა მეთაურმა ოდოაკრმა იმპერატორი ჩამოაგდო;

ვანდალებმა რომი აიღეს და სასტიკად დაარბიეს;

ალარიხის წინამძღოლობით ვესტგოთები რომში შეიჭრნენ;

ჰუნებმა იმპერატორი ბრძოლის ველზე მოკლეს.

# 654 სხვა მიზეზებთან ერთად, რამ განაპირობა ერწუხის ბრძოლა?

განძის ათაბაგის დაუმარცხებლად რთული იყო კახეთ-ჰერეთის დაცვა;

დავით აღმაშენებელს სურდა სელჩუკთა განდევნა ქვემო ქართლის ციხეებიდან;

შირვან-შაჰი უარს ამბობდა დავით აღმაშენებლის ყმადნაფიცობაზე;

დავით აღმაშენებელი ცდილობდა სომხეთის გათავისუფლებას სელჩუკთაგან.

# 655 სხვა მიზეზებთან ერთად, რამ გამოიწვია ლუი VII-სა და კონრად III-ის მეთაურობით ახალი ჯვაროსნული ლაშქრობის მოწყობა?

ეგვიპტელების მიერ დამასკოს აღებამ;

მუსლიმთა მიერ ედესის საგრაფოს დაპყრობამ;

რუმის სულთნის მიერ ასკალონის ალყამ;

ჯვაროსნების მარცხმა აკრასთან ბრძოლაში.

# 656 რა მიზნით შეხვდა საქართველოს ელჩობა რომის პაპს 1460 წელს?

სადავო საეკლესიო-დოგმატურ საკითხებზე სამსჯელოდ;

ანტიოსმალური კოალიციის საკითხების შესათანხმებლად;

სეფიანთა ირანის აგრესიის გამო დახმარების სათხოვნელად;

ფერარა-ფლორენციის კრებაში მონაწილეობის მისაღებად

# 657 მოსკოვის რომელმა დიდმა მთავარმა მიიღო პირველად მეფის ტიტული?

ბორის გოდუნოვმა;

ვასილი IV შუისკიმ;

თევდორე I-მა;

ივანე IV მრისხანემ.

# 658 რა უკავშირდება ესპანეთის მეფის, ფილიპე II-ის სახელს?

პროტესტანტული რეფორმაციის მხარდაჭერა;

ამბოხებულ ნიდერლანდელებთან ხანგრძლივი ომი;

ამერიკაში პირველი ესპანური კოლონიების დაარსება;

პირენეის ნახევარკუნძულიდან არაბების საბოლოო განდევნა.

# 659 სხვა მიზეზებთან ერთად, რამ აიძულა საფრანგეთის მეფე ლუი XVI, მოეწვია გენერალური შტატები?

ქვეყანაში შექმნილმა მძიმე ფინანსურმა მდგომარეობამ;

ოცდაათწლიან ომში განცდილმა მარცხმა;

ჰუგენოტებთან დაპირისპირებით გამოწვეულმა კრიზისმა;

რომის პაპის მიერ საფრანგეთის მეფის ეკლესიიდან განკვეთამ.

# 660 რომელი მსჯელობაა მართებული სამცხე-საათაბაგოს შესახებ?

სამცხე-საათაბაგოს სამთავროს ბაგრატიონთა საგვარეულოს წარმომადგენლები მართავდნენ;

ოსმალებმა თანდათანობით დაიპყრეს სამცხე-საათაბაგო და მის ადგილზე ახალციხის საფაშო დააარსეს;

ასპინძის ბრძოლაში ერეკლე II-მ გამუსლიმებული ათაბაგი დაამარცხა და სამცხე ქართლ-კახეთის სამეფოს შეუერთა;

სამცხე-საათაბაგო რუსეთის მფარველობაში შევიდა და ყოველი მომდევნო ათაბაგი იმპერატორს უნდა დაემტკიცებინა.

1 2 3 4

გვერდი 2 / 4

შესვლა

კონტაქტი

კატეგორიები

ისტორია>გასული წლების ტესტები>2021 წლის ტესტი (კითხვები ამ კატეგორიიდან)

ისტორია>გასული წლების ტესტები>2021 წლის ტესტი
(კითხვები ამ კატეგორიიდან)