ისტორია>გასული წლების ტესტები>2020 წლის ტესტი
(კითხვები ამ კატეგორიიდან)

სულ კითხვა: 60

უფასო: 60

ფასიანი: 0

გვერდი 2 / 3

# 716 რომელი მსჯელობა არ არის მართებული?

XI საუკუნის დასაწყისში ბაგრატ III იწოდებოდა აფხაზთა და ქართველთა მეფედ და ასევე ფლობდა კურაპალატის ბიზანტიურ ტიტულს;

XI საუკუნის 20-იან წლებში თრიალეთის დაუფლების საკითხმა გიორგი I-სა და ბასილი II-ს შორის სისხლისმღვრელი კონფლიქტი გამოიწვია;

XI საუკუნის შუა ხანებში ბაგრატ IV-ისა და ლიპარიტის დაპირისპირება საბოლოოდ მეფის გამარჯვებითა და დამარცხებულის გაძევებით დასრულდა;

XI საუკუნის დამლევს „დიდი თურქობის“ შესაჩერებლად გიორგი II სულთანს ეახლა და ყოველწლიური ხარკის გადახდა იკისრა.

# 717 რომელმა მოვლენამ შეუწყო ხელი დავით IV-ს სელჩუკთა წინააღმდეგ ბრძოლის დაწყებაში?

მანაზკერტის ბრძოლაში ბიზანტიელთა მიერ სელჩუკთა დამარცხებამ;

პირველი ჯვაროსნული ლაშქრობის დაწყებამ და იერუსალიმის აღებამ;

არაბთა მიერ სელჩუკების დამარცხებამ და ბაღდადის გათავისუფლებამ;

ხალიფას გარდაცვალების გამო სელჩუკთა შორის დაწყებულმა შინაომმა.

# 718 რომელი მსჯელობაა მართებული გიორგი V-ის მოღვაწეობის თაობაზე?

გაატარა მნიშვნელოვანი საერო და საეკლესიო რეფორმები და შექმნა საეკლესიო სამართლის ახალი წიგნი;

ემზადებოდა ჯვაროსნულ ლაშქრობაში მონაწილეობისათვის, თუმცა სელჩუკთა შემოსევამ ხელი შეუშალა;

ქვეყანა გაათავისუფლა მონღოლთა ბატონობისაგან, გააძლიერა სამეფო ხელისუფლება და აღადგინა ერთიანი სამეფო;

მხარი დაუჭირა რომის პაპის მოწოდებას ანტიოსმალური კოალიციის შექმნის შესახებ და ჯარი გაგზავნა ტრაპიზონში.

# 719 რა მოუვიდა თემურ ლენგის სიკვდილის შემდგომ მის სახელმწიფოს?

დაიმორჩილა ჩინეთის იმპერიამ;

დაიშალა სხვადასხვა პოლიტიკურ ერთეულად;

შეავიწროვა ხორეზმის დიდმა სასულთნომ;

შეიცვალა მმართველი დინასტია.

# 720 რა უკავშირდება XV საუკუნეში მოღვაწე გუტენბერგის სახელს?

წიგნის ბეჭდვის ტექნოლოგიის გამოგონება;

ჰელიოცენტრული თეორიის შექმნა;

პირველი საზღვაო ატლასის შედგენა;

ორთქლის ძრავის აწყობა

# 721 რომელი მსჯელობაა მართებული დიდი გეოგრაფიული აღმოჩენების ეპოქასთან დაკავშირებით?

პორტუგალიელებმა ვასკო და გამას მეთაურობით ევროპელთა შორის პირველებმა მიაღწიეს საზღვაო გზით ინდოეთს;

ესპანელთა ფლოტმა დიეგო კაბრალის მეთაურობით გადაცურა წყნარი ოკეანე და მიადგა ავსტრალიას;

ფრანგებმა ჟან-ფრანსუა ლაპერუზის მეთაურობით პირველებმა მიაღწიეს აფრიკის უკიდურეს სამხრეთ კონცხს;

ინგლისელები ჯეიმს კუკის მეთაურობით პირველები მიადგნენ ბრაზილიის აღმოსავლეთ სანაპიროს.

# 722 საბოლოოდ რა შედეგით დასრულდა სამოქალაქო ომი ინგლისში XVII საუკუნის 40-იან წლებში?

ჩარლზ I-ის გამარჯვებით და პარლამენტის მომხრეთა ქვეყნიდან გასახლებით;

აჯანყებულთა გამარჯვებით და ჩარლზ I-ის ქვეყნიდან სამუდამოდ განდევნით;

ზავით, რომლითაც ჩარლზ I-ის ერთპიროვნული მმართველობა შეიზღუდა;

პარლამენტის მომხრეთა გამარჯვებით და ჩარლზ I-ის სიკვდილით დასჯით

# 723 რა შედეგი მოუტანა საქართველოს 1774 წელს რუსეთსა და ოსმალეთს შორის დადებულმა ქუჩუკკაინარჯის ზავმა?

ქართლ-კახეთის სამეფო გათავისუფლდა ოსმალეთის ვასალობისგან;

იმერეთის სამეფო რუსეთის იმპერიის პროტექტორატში შევიდა;

ოსმალეთს აეკრძალა იმერეთის სამეფოდან ნებისმიერი სახის ხარკის აღება;

რუსეთი და ოსმალეთი ცნობდნენ ქართული სამეფოების გაერთიანებას

# 724 რომელი მსჯელობაა მართებული 1853-1856 წლების „ყირიმის ომის“ ერთ-ერთი შედეგის შესახებ?

ოსმალეთმა არტაანის სანაცვლოდ რუსეთისგან ბესარაბიის ნაწილი მიიღო;

აფხაზეთი კვლავ ოსმალეთის იმპერიის გავლენის სფეროში დაბრუნდა;

ჯავახეთი რუსეთის იმპერიის შემადგენლობაში მოექცა;

რუსეთმა ყარსის დათმობის სანაცვლოდ ყირიმში დაკარგული მიწები დაიბრუნა.

# 725 რა იყო აშშ-ს სამოქალაქო ომის ერთ-ერთი შედეგი?

სახელმწიფოში მონობის გაუქმება;

ინდიელთა რეზერვაციების აკრძალვა;

ახალი კონსტიტუციის მიღება;

„დიდი დეპრესიის“ დაწყება.

# 726 რომელმა მონარქმა დაიპყრო შუმერის ქალაქ-სახელმწიფოები?

აშურბანიპალმა;

ნაბუქოდონოსორმა;

სარგონმა;

თუტმოსმა.

# 727 რომელი მოვლენა უკავშირდება ფინიკიელთა სახელს?

პირველი იეროგლიფური დამწერლობის შექმნა;

კანონთა პირველი კრებულის შემუშავება;

საბრძოლო ეტლების გამოგონება;

ხმელთაშუაზღვისპირეთის კოლონიზაცია.

# 728 რომელი ქალაქი ედგა სათავეში ძვ. წ. 480 წელს ბერძენთა გაერთიანებულ სამხედრო ძალებს?

ათენი;

სპარტა;

კორინთო;

თებე.

# 729 რა სახელითაა ცნობილი სხვადასხვა ტომის მიგრაცია რომის იმპერიის ტერიტორიაზე IV-V საუკუნეებში?

ბარბაროსული კოლონიზაცია;

ხალხთა დიდი გადასახლება;

დიდი ბარბაროსული ხანა;

დიდი ომიანობა ევროპაში.

# 730 რა უკავშირდება კარლოს დიდის მოღვაწეობას?

ქრისტიანობის სახელმწიფო რელიგიად გამოცხადება;

იმპერატორის ტიტულის მიღება;

სასულიერო-სარაინდო ორდენების შექმნა;

ბრიტანეთის კუნძულებზე ლაშქრობა.

# 731 რომელი მსჯელობაა მართებული ქართველი მეფეების მოღვაწეობასთან დაკავშირებით?

ბაგრატ III-ს აფხაზთა და ქართველთა სამეფოების ტახტი ერგო მემკვიდრეობით, რამაც ერთიანი ქართული სამეფოს ჩამოყალიბებას შეუწყო ხელი;

გიორგი I-მა იმიერტაო და კახეთ-ჰერეთის სამეფო შემოიერთა, რითაც საქართველოს გაერთიანება დაასრულა;

ბაგრატ IV-მ ხანგრძლივი ალყის შემდეგ თბილისი გაათავისუფლა, რამაც ქალაქში მუსლიმთა ოთხასწლიანი ბატონობა დაასრულა;

გიორგი II-მ თურქ-სელჩუკები დაამარცხა და ქვეყნიდან განდევნა, რამაც სამხრეთ კავკასიაში საქართველოს საუკუნოვან ჰეგემონიას დაუდო სათავე.

# 732 რომელი მსჯელობა არ არის მართებული III ჯვაროსნულ ლაშქრობასთან დაკავშირებით?

რიჩარდ ლომგული ეგვიპტის მმართველ სალადინს დაუზავდა;

ალექსი კომნენოსმა ხანგრძლივი ალყის შემდეგ იერუსალიმი აიღო;

ფრიდრიხ ბარბაროსა მცირე აზიის ერთ-ერთ მდინარეში დაიხრჩო;

ფილიპე II ავგუსტი ლაშქრობის დასრულებამდე სამშობლოში დაბრუნდა.

# 733 რას წარმოადგენდა კორტესები?

პროტესტანტული ეკლესიის მმართველ საბჭოს გერმანიაში;

ელიტარულ სამხედრო შენაერთს საღვთო რომის იმპერიაში;

ქალაქების ვაჭართა გაერთიანებას საფრანგეთში;

წოდებრივ-წარმომადგენლობით ორგანოს ესპანეთში.

# 734 რამ შეუშალა ხელი ოსმალებს კონსტანტინოპოლის აღებაში XV საუკუნის დამდეგს?

ანგორის ბრძოლაში დამარცხებამ;

სულთნის მოულოდნელმა გარდაცვალებამ;

ლეპანტოს ბრძოლისთვის მზადებამ;

ილხანთა წინააღმდეგ ბრძოლამ.

# 735 რომელი მსჯელობაა მართებული დიდი გეოგრაფიული აღმოჩენების ეპოქასთან დაკავშირებით?

ინგლისელებმა რიჩარდ ჰოუკინსის მეთაურობით მიაღწიეს ამერიკის უკიდურეს სამხრეთ კონცხს;

ფრანგებმა ამერიგო ვესპუჩის წინამძღოლობით პირველებმა ევროპელთა შორის მიაღწიეს ინდოეთს;

პორტუგალიელებმა ბართოლომეუ დიაშის ხელმძღვანელობით პირველებმა მიაღწიეს ავსტრალიას;

ესპანელებმა ფერნანდო მაგელანის მეთაურობით პირველებმა შემოუარეს ირგვლივ დედამიწას.

1 2 3

გვერდი 2 / 3

შესვლა

კონტაქტი

კატეგორიები

ისტორია>გასული წლების ტესტები>2020 წლის ტესტი (კითხვები ამ კატეგორიიდან)

ისტორია>გასული წლების ტესტები>2020 წლის ტესტი
(კითხვები ამ კატეგორიიდან)