ისტორია>გასული წლების ტესტები>2019 წლის ტესტი
(კითხვები ამ კატეგორიიდან)

სულ კითხვა: 58

უფასო: 58

ფასიანი: 0

1 2 3

გვერდი 2 / 3

# 776 რა იყო თერგდალეულთა მოღვაწეობის ერთ-ერთი მიზანი?

სახელმწიფო სამსახურში ქართველთა მასობრივი დაწინაურება;

ტრადიციული მანუფაქტურული წარმოების აღორძინება;

საქართველოს ეკლესიის ავტოკეფალიის შენარჩუნება;

ქართველთა შორის განათლების დონის ამაღლება.

# 777 რომელ სახელმწიფოთა შორის დადებული ხელშეკრულებით დასრულდა იმ სამხედრო ბლოკის შექმნა, რომელმაც პირველ მსოფლიო ომში გაიმარჯვა?

რუსეთსა და დიდ ბრიტანეთს;

დიდ ბრიტანეთსა და აშშ-ს;

აშშ-სა და საფრანგეთს;

საფრანგეთსა და რუსეთს.

# 778 რა მოვლენა უკავშირდება კავკასიაში საბჭოთა რუსეთის XI არმიის მოქმედებას?

ამიერკავკასიის დამოუკიდებელი რესპუბლიკის დაპყრობა;

ბათუმის ოლქიდან ინგლისელების განდევნაში მონაწილეობა;

ქართულ ჯართან ერთად თეთრგვარდიელთა დამარცხება;

საქართველოში საბჭოთა ხელისუფლების ძალით დამყარება.

# 779 სხვა მიზეზებთან ერთად რამ გამოიწვია სსრკ-ში განხორციელებული კოლექტივიზაციისას სოფლის მეურნეობის პროდუქციის წარმოების შემცირება?

მთლიანად განადგურდა უცხოური სასოფლო-სამეურნეო ტექნიკა;

მნიშვნელოვნად შემცირდა სახნავ-სათესი მიწების ფართობი;

გლეხებს დაეკარგათ მატერიალური დაინტერესება;

კულაკების უმეტესობა სამუშაოდ ქალაქში წავიდა.

# 780 რომელი მსჯელობაა მართებული ესპანეთის სამოქალაქო ომთან დაკავშირებით?

მეფის მოულოდნელმა გარდაცვალებამ სახელმწიფოში ანარქია გამოიწვია, რაც ძალიან მალე დიდ სამოქალაქო ომში გადაიზარდა;

საპარლამენტო არჩევნებში რესპუბლიკური, მემარცხენე ძალების კოალიციის გამარჯვება ომის დაწყების ერთ-ერთი მთავარი მიზეზი გახდა;

კათოლიკური ეკლესიის მიერ მონარქიის რესტავრაციის იდეის მხარდაჭერა, ომის დაწყების უმთავრეს მიზეზად იქცა;

არჩევნებში მემარჯვენეების გამარჯვებამ გაააქტიურა სეპარატისტული მოძრაობა, რამაც ბიძგი მისცა სამოქალაქო ომის დაწყებას.

# 781 რომელი ისტორიული პროცესის შემადგენელ ნაწილად მიიჩნევა 1938 წელს მიუნხენში გამართული შეხვედრა?

დაშოშმინების ანუ დაყვავების პოლიტიკის;

ცივი ომის ანუ სისტემათა დაპირისპირების;

დეკოლონიზაციის ანუ იმპერიათა დაშლის;

მშვიდობიანი თანაარსებობის ანუ ზავის პოლიტიკის

# 782 რას ითვალისწინებდა მოლოტოვ-რიბენტროპის პაქტი?

ნაციონალისტური და კომუნისტური რეჟიმების მხარდაჭერას;

დასავლეთ ევროპის სახელმწიფოთა აგრესიის შეკავებას;

ანტიიმპერიალისტური სამხედრო-პოლიტიკური ბლოკის შექმნას;

აღმოსავლეთ ევროპის ქვეყნების ტერიტორიების განაწილებას.

# 783 რა იყო პერლ-ჰარბორზე იაპონიის თავდასხმის მიზანი?

აშშ-ს მთავარი ნავთობსარეწების განადგურება, რაც ძალიან გააძნელებდა ამერიკელების მიერ საკუთარი სამხედრო ტექნიკის გამოყენებას;

სამხედრო მოქმედებების გადატანა წყნარი ოკეანის სამხრეთ ნაწილში და აშშ-ში დესანტის გადასხმისათვის პლაცდარმის შექმნა;

აშშ-ს წყნარი ოკეანის ფლოტის განადგურება და ამით მომავალ ომში დიდი სამხედრო უპირატესობის მოპოვება;

მშვიდობიანი მოსახლეობის დაშინება, რასაც აშშ-ში დიდი ანტისაომარი მანიფესტაციების დაწყება უნდა გამოეწვია.

# 784 რატომ დაიწყო ომი კორეის ნახევარკუნძულზე 1950 წელს?

სსრკ-ს სურდა ნახევარკუნძულის დაპყრობა და თავისი შენაერთების გაგზავნა იაპონელთა სამხედრო ბაზების წინააღმდეგ;

სამხრეთ კორეამ გადაწყვიტა, დაემხო კომუნისტური ხელისუფლება ჩრდილოეთში და სამხედრო მოქმედებები დაიწყო;

აშშ-ს აქ საკუთარი სამხედრო ბაზების განთავსება სურდა და ნახევარკუნძულზე მყოფი ჩინეთის სამხედრო ქვედანაყოფებს შეუტია;

ჩრდილოეთ კორეამ ძალისმიერი გზით სცადა ორად გაყოფილი ქვეყნის გაერთიანება და სამხრეთ კორეაში შეიჭრა.

# 785 რით გამოირჩეოდნენ ასურელები უძველეს ხალხთა შორის?

ხელსაყრელმა ბუნებრივმა პირობებმა პირველ მიწათმოქმედებად აქცია;

გამუდმებული ომების გამო საუკეთესო მეომრებად ჩამოყალიბდნენ;

დააარსეს სავაჭრო კოლონიები ჩრდილოეთ აფრიკის ტერიტორიაზე;

შექმნეს იმ დროისთვის საუკეთესო ფლოტი ხმელთაშუა ზღვაზე.

# 786 რამ გამოიწვია ათენის მეთაურობით „საზღვაო კავშირის“ შექმნა?

რომაელთა შემოჭრის საფრთხემ;

ფინიკიურმა კოლონიზაციამ;

მეკობრეთა თავდასხმებმა;

სპარსელებთან ომებმა.

# 787 რომელი ისტორიული პროცესის შედეგია ასახული რუკაზე?

სარგონ დიდის თავდაპირველი დაპყრობების;

აქემენიანთა ირანის ტერიტორული გაფართოების;

ალექსანდრე მაკედონელის იმპერიის დაშლის;

სელევკიდების სამეფოს შინაომების დასრულების.

# 788 რომელი მსჯელობაა მართებული ვესტგოთების მიერ 410 წელს რომის აღებასთან დაკავშირებით?

ეს იმპერიის დასასრულის დასაწყისი იყო, რადგან სახელმწიფო ბარბაროსთა შემოსევებს ვეღარ უმკლავდებოდა;

ეს მნიშვნელოვანი გარდატეხა იყო, რადგან ბარბაროსებს რომის არმიაში სამსახური აეკრძალათ;

ამან განაპირობა მათი შემდგომი ლაშქრობა სიცილიაში, სადაც თავიანთი პირველი სახელმწიფო ჩამოაყალიბეს;

ამის წინაპირობა რომულუს ავგუსტუსის მიერ გამოცემული ედიქტი იყო, რომელიც ბარბაროსებს გაქრისტიანებას ავალებდა.

# 789 რა შედეგით დასრულდა ირანისთვის „დიდი ომიანობა“ ეგრისში?

შავ ზღვაზე გასასვლელი მიიღო;

ეგრისი ბიზანტიის გავლენის სფეროდ აღიარა;

კავკასიაში ციხე-სიმაგრეთა სისტემის მშენებლობა შეწყვიტა;

იძულებული გახდა, ადგილობრივი ხელისუფლების აღდგენა ეცნო.

# 790 რაში გამოიხატა პატრიკიოს სერგი ბარნუკის ძის ანტიბიზანტიური პოლიტიკა VII საუკუნის მიწურულს?

დასავლეთ საქართველოში ხაზართა ჯარები შემოიყვანა;

შეუერთდა ქართლის ანუ იბერიის მეფის აჯანყებას;

შეიფარა მწვალებლებად გამოცხადებული მონოფიზიტები;

ეგრისი ანუ ლაზიკა არაბთა გავლენას დაუქვემდებარა.

# 791 რის მოსაწესრიგებლად შეიქმნა „სააჯო კარი“?

ვაჭრობა-ხელოსნობის;

სწავლა-განათლების;

მართლმსაჯულების;

საეკლესიო ცხოვრების.

# 792 როგორ დასრულდა მონღოლთა პირველი ლაშქრობა საქართველოში?

დაიპყრეს მხოლოდ აღმოსავლეთ საქართველო;

გამარჯვების შემდეგ კავკასია დაყვეს დუმნებად;

იძულებული გახდნენ, ზავი დაედოთ საქართველოსთან;

ქართველებთან ბრძოლის შემდეგ დატოვეს სამხრეთ კავკასია.

# 793 რამ აიძულა ჯალალ-ედ-დინი, დაეტოვებინა ხორეზმი?

თემურლენგის ლაშქრობებმა;

მონღოლებთან ომმა;

სელჩუკთა შემოსევებმა;

ყივჩაღთა თავდასხმებმა.

# 794 რატომ გაიზარდა საფრანგეთში გენერალური შტატების მნიშვნელობა ასწლიანი ომის დროს?

მეფე ტყვედ ჩავარდა და შექმნილი ვითარების გამო სახელმწიფოს მართვა გენერალურ შტატებს მოუწია;

მეფეს ფინანსური მხარდაჭერა სჭირდებოდა, გადასახადების საკითხს კი გენერალური შტატები წყვეტდა;

თავისუფალი მოქალაქეებისა და მიწათმოქმედების ჯარში გაწვევა მხოლოდ გენერალური შტატების პრეროგატივა იყო;

საზოგადოების ერთიანობის შესანარჩუნებლად გადაწყდა, რომ ახალ მეფეს გენერალური შტატები აირჩევდა.

# 795 რომელი ქალაქი იქცა რენესანსის ეპოქის უმთავრეს კულტურულ ცენტრად ევროპაში?

კორდობა;

ფლორენცია;

აახენი;

როტერდამი.

1 2 3

გვერდი 2 / 3

შესვლა

კონტაქტი

კატეგორიები

ისტორია>გასული წლების ტესტები>2019 წლის ტესტი (კითხვები ამ კატეგორიიდან)

ისტორია>გასული წლების ტესტები>2019 წლის ტესტი
(კითხვები ამ კატეგორიიდან)