ისტორია>გასული წლების ტესტები
(ყველა ქვეკატეგორიის კითხვები)

სულ კითხვა: 618

უფასო: 618

ფასიანი: 0

1 2 3 4

გვერდი 2 / 31

# 582 რომელი მსჯელობაა მართებული ოსმალეთის სახელმწიფოს წარმატების შესახებ XIV საუკუნეში?

ოსმალებმა ბალკანეთის ნახევარკუნძულზე გაილაშქრეს, აიღეს ქალაქი თესალონიკი და იგი თავიანთ დედაქალაქად გამოაცხადეს;

ოსმალებმა ბიზანტიის იმპერიას მცირე აზიური ტერიტორიები წაართვეს და დედაქალაქი ბურსაში გადაიტანეს;

მუავიას მეთაურობით ოსმალები ბოსფორზე გადავიდნენ, ადრიანოპოლი უბრძოლველად აიღეს და დედაქალაქად აქციეს;

სულთან სანჯარმა ჯარი კონსტანტინოპოლისაკენ დაძრა, ქალაქი ხანგრძლივი ალყის შედეგად აიღო და ისტამბული უწოდა.

# 583 რომელი ინფორმაციაა მართებული შაჰ-აბას I-ის მოღვაწეობის შესახებ?

გაატარა რელიგიური და საგანმანათლებლო რეფორმები;

საბოლოოდ გააუქმა მეფობა ქართლსა და კახეთში;

ხანგრძლივი და წარმატებული ომი აწარმოა ოსმალეთთან;

სასტიკად დაამარცხა აჯანყებული ავღანელები და ბაქტრიელები.

# 584 რომელი მოვლენა უკავშირდება ინგლისში რესპუბლიკური მმართველობის პერიოდს?

ანგლიკანური ეკლესიის ჩამოყალიბება;

სამხედრო დაპირისპირება პორტუგალიასთან;

ჩრდილოეთ ამერიკული კოლონიების აჯანყება;

რეპრესიები კათოლიკე ირლანდიელების მიმართ.

# 585 რომელი გამოჩენილი ევროპელი მოაზროვნე არ მოღვაწეობდა განმანათლებლობის ეპოქაში?

თომა აკვინელი;

შარლ ლუი მონტესკიე;

დენი დიდრო;

ჟან-ჟაკ რუსო

# 586 სხვა მიზეზებთან ერთად, რამ გამოიწვია რუსეთის იმპერიის გამოსვლა შვიდწლიანი ომიდან?

ემელიანე პუგაჩოვის მეთაურობით რუსეთში დაწყებულმა გლეხთა დიდმა აჯანყებამ;

რუსეთის ტახტზე პეტრე III-ის ასვლამ, რომელიც პრუსიის მეფისადმი სიმპათიებით გამოირჩეოდა;

იტალიისა და ავსტრიის უარმა, დაეკმაყოფილებინათ ნიკოლოზ I-ის პრეტენზიები პოლონეთში;

ინგლისელთა წაქეზებით შვედეთისა და ოსმალეთის მიერ რუსეთისათვის ომის გამოცხადებამ.

# 587 რომელი მოსაზრებაა მართებული ვენის კონგრესის შესახებ?

განიხილავდნენ საფრანგეთის პირველი იმპერიის ომების შემდგომი ევროპის მოწყობის საკითხებს;

მსჯელობდნენ საფრანგეთში დაწყებული რევოლუციის წინააღმდეგ ერთობლივ ბრძოლაზე;

ცდილობდნენ, შეემუშავებინათ ერთიანი კოლონიალური პოლიტიკა აფრიკაში;

ადგენდნენ კონტინენტური ბლოკადის მოქმედების აუცილებელ პრინციპებს.

# 588 რომელი სახელმწიფო ხელმძღვანელობდა იტალიის გაერთიანებისათვის ბრძოლას XIX საუკუნეში?

ნეაპოლის სამთავრო;

პაპის ოლქი;

ტოსკანის რესპუბლიკა;

პიემონტ-სარდინიის სამეფო.

# 589 სხვა მიზეზებთან ერთად, რა მოვლენამ განაპირობა საერთაშორისო ორგანიზაცია, ერთა ლიგის შექმნა?

მსოფლიო ეკონომიკურმა კრიზისმა;

რუსეთის რევოლუციამ;

პირველმა მსოფლიო ომმა;

დეკოლონიზაციის პროცესმა

# 590 რომელი ინფორმაციაა მართებული 1920 წლის 7 მაისის ხელშეკრულების შესახებ?

საბჭოთა რუსეთმა ცნო საქართველოს დამოუკიდებლობა;

რუსეთის იმპერიამ აღიარა საქართველოს ავტონომია;

საქართველო გახდა ამიერკავკასიის ფედერაციის წევრი;

საქართველო შეუერთდა საბჭოთა რესპუბლიკების კავშირს.

# 591 რომელმა სახელისუფლებო ორგანომ გამოაცხადა საქართველოს დამოუკიდებლობის აღდგენა 1991 წლის 9 აპრილს?

საკონსტიტუციო კომისიამ;

სახალხო ყრილობამ;

უზენაესმა საბჭომ;

მინისტრთა კაბინეტმა.

# 592 სხვა მიზეზებთან ერთად, რამ განაპირობა ფინიკიაში ქალაქ-სახელმწიფოების ჩამოყალიბება ძვ.წ. III ათასწლეულის შუა ხანებში?

მდიდარი ბუნებრივი რესურსების არსებობამ და ვაჭრობის განვითარებამ;

საირიგაციო მიწათმოქმედების მძლავრმა განვითარებამ და მოსავლიანობის ზრდამ;

ჰიქსოსების თავდასხმების მოგერიებისა და თავდაცვის აუცილებლობამ;

ლათინთა პოლისების მხრიდან კონკურენციის გაზრდამ.

# 593 რომელი მსჯელობაა მართებული აქემენიანთა იმპერიის ჩამოყალიბების შესახებ?

აქემენიანთა დინასტიის დამაარსებელმა დარიოს I-მა ახალი რელიგია გაავრცელა ირანულ ტომებში და ახალი იმპერია შექმნა;

კავადმა ეგვიპტის დაპყრობით ირანის სახელმწიფოში ახალ პოლიტიკასა და იმპერიის ჩამოყალიბებას ჩაუყარა საფუძველი;

აქემენიანთა დინასტიის წარმომადგენელმა კიროს II-მ დაამარცხა მიდიის მეფე და ახალი იმპერიის მმართველი გახდა;

ელიტური სამხედრო შენაერთის მეთაურმა ქსერქსემ სამხედრო გადატრიალება მოაწყო და ირანში ახალ საიმპერატორო დინასტიას მისცა დასაბამი.

# 594 რა მოიმოქმედა ვახტანგ გორგასალმა ანტიირანული აჯანყების დაწყების წინ?

შეწყვიტა მძევლების გაგზავნა;

მოაკვლევინა ვარსქენ პიტიახში;

ილაშქრა ვაჰან მამიკონიანის წინააღმდეგ;

ჩრდილოეთ კავკასიიდან პაჭანიკთა ჯარი გადმოიყვანა

# 595 რომელი ინფორმაციაა მართებული ფრანკთა სამეფოს შესახებ?

ფრანკებმა ჩრდილო აფრიკის სანაპიროზე ძლიერი სამეფო ჩამოაყალიბეს;

რომის პაპმა პიპინ მოკლე გაქრისტიანების შემდეგ ფრანკთა პირველ იმპერატორად აკურთხა;

ფრანკთა სამეფოს პირველი მეფეები მეროვინგთა დინასტიის წარმომადგენლები იყვნენ;

რავენა ახლადჩამოყალიბებული ფრანკთა სახელმწიფოს დედაქალაქად გამოცხადდა

# 596 რომელი მოვლენა არ უკავშირდება თოღრულ-ბეგის სახელს?

ირანის პროვინციების დაპყრობა;

ბაღდადის აღება;

სულთნის ტიტულის მიღება;

სელჩუკებში მაზდეანობის გავრცელება.

# 597 რომელი მსჯელობაა მართებული XIV საუკუნეში გამართული ნიკოპოლის ბრძოლის შესახებ?

ადრიანოპოლის დაუფლების შემდეგ ოსმალებს სერბები და ბერძნები დაუპირისპირდნენ, მაგრამ დამარცხდნენ;

კონსტანტინოპოლის აღების შემდგომ ოსმალებს სლავების კოალიციური ლაშქარი დაუპირისპირდა და მათი წინსვლა შეაჩერა;

კოსოვოს ველზე ოსმალების გამარჯვებიდან რამდენიმე წელიწადში ევროპულ სახელმწიფოთა ჯარი ოსმალებს შეებრძოლა, მაგრამ დამარცხდა;

ოსმალები უნგრეთში შეიჭრნენ, მაგრამ უნგრელებს პოლონელები დაეხმარნენ და მტერი დაამარცხეს.

# 598 რა უკავშირდება სეფიანთა ირანის შაჰის, თამაზ I-ის მოღვაწეობას?

კონსტანტინოპოლის შეთანხმების დარღვევა და კასპიისპირეთის დაკავება;

ქართლის მეფის ტყვეობიდან გათავისუფლება და თბილისში დაბრუნება;

წარმატებული ლაშქრობა ინდოეთში და დედაქალაქ კალკუტის აღება;

ოსმალეთთან ხანგრძლივი ომის დასრულება და ამასიის ზავის დადება.

# 599 ვინ იყო ინგლისის უკანასკნელი მონარქი ტიუდორების დინასტიიდან?

ჰენრი VIII;

ელიზაბეთ I;

მერი I;

ჩარლზ I.

# 600 რა უკავშირდება ვახტანგ VI-ის მოღვაწეობას?

კანონთა კრებულის შემუშავება;

პირველი ქართულენოვანი გაზეთის გამოცემა;

თბილისში თეატრის დაარსება;

ბერძენი მაღაროელების ჩამოსახლება.

# 601 რომელი მოვლენა უკავშირდება პრუსიის მეფის ფრიდრიხ II-ის სახელს?

სამხრეთ ამერიკელი კოლონისტების სამხედრო და ფინანსური მხარდაჭერა;

ავსტრია-უნგრეთის დამარცხება და ჩრდილოეთ გერმანიის კავშირის ჩამოყალიბება;

რუსეთთან და შვედეთთან ერთად ლიტვის დიდი სამთავროს დანაწილება;

შვიდწლიან ომში მონაწილეობა და ევროპაში პოზიციების გამტკიცება.

1 2 3 4

გვერდი 2 / 31

შესვლა

კონტაქტი

კატეგორიები

ისტორია>გასული წლების ტესტები (ყველა ქვეკატეგორიის კითხვები)

ისტორია>გასული წლების ტესტები
(ყველა ქვეკატეგორიის კითხვები)