ისტორია>გასული წლების ტესტები
(ყველა ქვეკატეგორიის კითხვები)

სულ კითხვა: 618

უფასო: 618

ფასიანი: 0

1 2 3

გვერდი 1 / 31

# 562 ვის სახელს უკავშირდება ბაბილონის სამეფოს აღზევება ძვ.წ. XVIII საუკუნეში?

აშურბანიფალის;

არგიშთი II-ის;

სარგონ I-ის;

ხამურაბის

# 563 ვისი მოკავშირეობით დაამარცხა ფარნავაზმა აზო (აზონი)?

ადერკის;

არტაგის;

საურმაგის;

ქუჯის.

# 564 რომელი ინფორმაცია არ არის მართებული ქრისტიანობის ისტორიის შესახებ I-III საუკუნეებში?

ქრისტიანობა წარმოიშვა რომის იმპერიის ერთ-ერთ აღმოსავლურ პროვინციაში;

პირველი ქრისტიანები კატაკომბებში აღასრულებდნენ რელიგიურ წეს-ჩვეულებებს;

ქრისტიანობის გავრცელების ერთ-ერთი შედეგი ვეტერანთა გახშირებული აჯანყებები იყო;

რომის იმპერატორები, უმთავრესად, ქრისტიანული რელიგიის მიმდევრებს დევნიდნენ.

# 565 რომელი ფაქტია მართებული ვანდალთა სამეფოს შესახებ?

რომის პაპმა ხლოდვიგი გაქრისტიანების შემდეგ ვანდალთა პირველ მეფედ აკურთხა;

ვანდალებმა თავიანთი სამეფო ჩრდილოეთ აფრიკაში ჩამოაყალიბეს;

ვანდალების სამეფო მეროვინგების დინასტიამ დააარსა;

თებე ახლადჩამოყალიბებული ვანდალთა სახელმწიფოს დედაქალაქად გამოცხადდა.

# 566 რომელი მსჯელობაა მართებული VII ჯვაროსნული ლაშქრობის შესახებ?

ლუი IX-ის მეთაურობით ჯვაროსნები ეგვიპტეში შეიჭრნენ, მაგრამ მეფე ტყვედ ჩავარდა და დიდი გამოსასყიდის ფასად გათავისუფლდა;

ჯვაროსნებმა სირია-პალესტინის ციხეები დაიბრუნეს, მაგრამ დამასკოსთან დამარცხდნენ და იძულებულნი გახდნენ, ზავი დაედოთ;

იმპერატორ კონრად III-ის ხელმძღვანელობით ჯვაროსნებმა იერუსალიმს ალყა შემოარტყეს და მოწინააღმდეგე აიძულეს, ქალაქი დაეთმო;

ჯვაროსანთა ჯარი კვიპროსზე გაერთიანდა და იქიდან მიიტანა იერიში ანტიოქიაზე, თუმცა ქალაქის დამცველებმა შეტევა მოიგერიეს.

# 567 რომელი მსჯელობაა მართებული ოსმალეთის სახელმწიფოს წარმოშობის შესახებ?

ჩობანიანთა დინასტიის წარმომადგენელმა მცირე აზიაში ძლიერი სახელმწიფო ჩამოაყალიბა და ახალ დინასტიას დაუდო სათავე;

რუმის სასულთნოს დაშლის შედეგად წარმოშობილი ერთ-ერთი სამთავროს მეთაურმა დაიმორჩილა მეზობელი სამთავროები და ბიზანტიის იმპერიას შეუტია;

ოქროს ურდოს ერთ-ერთმა სარდალმა საყაენოს დაშლის შემდგომ ბიზანტიისათვის წართმეულ მიწა-წყალზე ახალ სახელმწიფოს ჩაუყარა საფუძველი;

არაბთა სახალიფოს დაცემის შემდგომ ანატოლიის ამირამ თავი სულთნად გამოაცხადა და რამდენიმე წელიწადში კონსტანტინოპოლს ალყა შემოარტყა.

# 568 რომელი მოსაზრებაა მართებული სეფიანთა ირანის შესახებ?

სეფიანთა ირანის სახელმწიფოს ჩამოყალიბებაში გადამწყვეტი როლი ყიზილბაშთა ტომებმა შეასრულეს;

სეფიანთა ირანში სუნიტური ისლამი იყო გაბატონებული, რაც რუმის სასულთნოსთან მუდმივ დაპირისპირებას იწვევდა;

აბასიანთა სახელმწიფოს დაპყრობის შემდეგ სეფიანთა ირანის შაჰებმა ხალიფას ტიტული მიიღეს;

სეფიანთა ირანი მცირე აზიის, სირიისა და პალესტინის დასაუფლებლად განუწყვეტელ ომებს აწარმოებდა მამლუქთა სახელმწიფოსთან.

# 569 რომელი ისტორიული მოვლენა უკავშირდება ინგლისში ოლივერ კრომველის მმართველობას?

„უფლებათა ბილის“ შემუშავება და დამტკიცება;

ესპანელთა „უძლეველი არმადის“ განადგურება;

ჰოლანდიასთან ომში გამარჯვება;

ანგლიკანური ეკლესიის რომის პაპისადმი დაქვემდებარება.

# 570 რა შედეგით დასრულდა შვიდწლიანი ომი საფრანგეთისათვის?

ჩრდილოეთ ამერიკასა და ინდოეთში სამფლობელოების დაკარგვით;

გერმანიაზე ჰეგემონიის მოპოვებითა და რაინის კავშირის ჩამოყალიბებით;

სიცილიის, სარდინიის და კორსიკის კუნძულების შემოერთებით;

ესპანეთში საფრანგეთის მმართველი ვალუების დინასტიის გამეფებით.

# 571 სხვა მიზეზებთან ერთად, რატომ გადაწყვიტა ერეკლე II-მ 1768-1774 წლებში მიმდინარე რუსეთოსმალეთის ომში ჩაბმა?

ქართლ-კახეთის ოსმალთა მოხარკეობისაგან გათავისუფლება უნდოდა;

თბილისის ციხეებიდან ოსმალთა განდევნა და ტყვეებით ვაჭრობის აკრძალვა სურდა;

სამცხიდან ოსმალების განდევნას და ამ რეგიონის შემოერთებას აპირებდა;

იმერეთის სამეფოს შემოერთებაზე ფიქრობდა, რომელიც ოსმალეთის ვასალი იყო.

# 572 რომელი მოსაზრებაა მართებული ამერიკის დამოუკიდებლობის ომის შესახებ?

სამხედრო და ფინანსური დახმარების სანაცვლოდ ამერიკელმა კოლონისტებმა რუსეთს ალასკა მიჰყიდეს;

საფრანგეთმა მნიშვნელოვანი სამხედრო დახმარება აღმოუჩინა ჩრდილოეთ ამერიკელ კოლონისტებს;

ამერიკელმა კოლონისტებმა დაამარცხეს დიდი ბრიტანეთი და აიძულეს, კანადა მთლიანად მათთვის დაეთმო;

ომში დამატებითი ძალების მობილიზაციისათვის კოლონისტებმა ამერიკის ტერიტორიაზე მონობა გააუქმეს.

# 573 რომელი მსჯელობაა მართებული ნაპოლეონის ხელისუფლებაში მოსვლის შესახებ?

ესპანეთში წარმატებული ლაშქრობის შემდეგ ჯარში და მოსახლეობაში საკუთარი ავტორიტეტით ისარგებლა და რომის პაპს თავი იმპერატორად აკურთხებინა;

როიალისტების აჯანყების ჩახშობის შემდეგ საფრანგეთის ეროვნულმა კრებამ მას პირველი კონსულის თანამდებობა შესთავაზა, რასაც ის დაეთანხმა;

გამოიყენა მის დაქვემდებარებაში არსებული სამხედრო შენაერთები, დაამხო იაკობინელთა დიქტატურა და შექმნა კოლეგია, რომლის ერთ-ერთი წევრიც თავად გახდა;

ეგვიპტიდან დაბრუნებულმა სამხედრო გადატრიალება მოაწყო, გარეკა დირექტორია, ხოლო სახელმწიფოს მართვა სამ კონსულს დაევალა, რომელთაგან ერთ-ერთი თავად იყო.

# 574 სხვა მიზეზებთან ერთად, რატომ დაარღვია გერმანიამ პირველი მსოფლიო ომის დასაწყისში ბელგიის ნეიტრალიტეტი?

ბელგიის დაკავებით ამერიკელებს დესანტის გადმოსხმის საშუალება მოესპოთ;

ბელგიის ტერიტორიის გავლით გერმანიის ჯარი აპირებდა საფრანგეთში შეჭრას;

ბელგია შეიძლება სამთა კავშირს მიმხრობოდა და გერმანიის ჯარისთვის ზურგიდან შეეტია;

ბელგიაში არსებულმა გერმანულმა სათვისტომოებმა გერმანიის იმპერატორს დახმარება სთხოვეს.

# 575 რომელი ინფორმაციაა მართებული ერთა ლიგის შექმნის შესახებ?

ორგანიზაციის შექმნის იდეა აშშ-ს პრეზიდენტმა წამოაყენა, თუმცა, როდესაც საბოლოოდ ეს ორგანიზაცია შეიქმნა, აშშ მასში არ გაწევრიანდა;

ორგანიზაციის ჩამოყალიბება საფრანგეთის პრეზიდენტმა მოითხოვა, მაგრამ მასში გერმანიის გაწევრიანების წინააღმდეგი იყო;

ორგანიზაციის შექმნის ინიციატივა დიდი ბრიტანეთის პრემიერ-მინისტრს ეკუთვნოდა, თუმცა ეწინააღმდეგებოდა პატარა სახელმწიფოების მიღებას;

ორგანიზაციის ჩამოყალიბებას ყველაზე მეტად იტალიის პრემიერ-მინისტრი ითხოვდა, და მასში მხოლოდ ევროპის სახელმწიფოები უნდა გაერთიანებულიყო.

# 576 რომელი ინფორმაციაა მართებული 1990 წლის 28 ოქტომბერს საქართველოში გამართული არჩევნების შედეგის შესახებ?

პირველად საქართველოს ისტორიაში უმრავლესობა მოიპოვა სოციალ-დემოკრატიულმა პარტიამ და ჩამოაყალიბა ერთპარტიული მთავრობა;

შეიქმნა საქართველოში პირველი კოალიციური მთავრობა, რომელშიც კომუნისტური პარტიის წევრებთან ერთად ეროვნული მოძრაობის წარმომადგენლებიც შედიოდნენ;

გაიმარჯვეს ეროვნულ-გამათავისუფლებელი მოძრაობის წარმომადგენლებმა და საქართველოში კომუნისტური ხელისუფლების მმართველობა დასრულდა;

წარმატებას მიაღწიეს საერთო კავკასიურ ანტისაოკუპაციო მოძრაობაში გაერთიანებულმა პარტიებმა და შეწყდა საოკუპაციო რეჟიმის მოქმედება.

# 577 რომელი მსჯელობაა მართებული ბერძნული კოლონიზაციის შესახებ?

კოლონიის მოსახლეობის საქმიანობას მეტროპოლიის უხუცესთა საბჭო წარმართავდა, რადგან საკუთარ ინტერესებს ითვალისწინებდა;

კოლონიის ადგილის შერჩევისას ზღვასთან სიახლოვეს დიდი მნიშვნელობა ენიჭებოდა, რადგან მათი ეკონომიკური კეთილდღეობა ძირითადად ვაჭრობას უკავშირდებოდა;

ახალ საცხოვრებელ ადგილზე გადასახლებული კოლონისტები მხოლოდ ადგილობრივი მოსახლეობის კულტების თაყვანისცემას იწყებდნენ მათი კეთილგანწყობის მოსაპოვებლად;

კოლონიებში გადასახლებული ვეტერანები სამხედრო შენაერთებს ქმნიდნენ, რომლებსაც ადგილობრივი მეფეები ქირაობდნენ.

# 578 რა პირობის საფუძველზე მოწესრიგდა ურთიერთობა ქართლის სამეფოსა და რომის იმპერიას შორის II საუკუნის I ნახევარში?

ფარსმან II-მ იკისრა ხარკის სახით ასი ქალ-ვაჟის გაგზავნა რომში;

იმპერატორი დათანხმდა ფარსმან II-ის მემკვიდრის სომხეთში გამეფებას;

ფარსმან II-მ მორჩილების ნიშნად მონაწილეობა მიიღო დაკების წინააღმდეგ ომში;

იმპერატორმა აღიარა ფარსმან II-ის მიერ შავიზღვისპირა მიწების შეერთება.

# 579 რომელი ფაქტია მართებული რომის იმპერიის ისტორიის შესახებ?

ალარიხმა რომის აღების შემდეგ თავი დასავლეთ რომის იმპერიის მმართველად გამოაცხადა;

რომის იმპერატორმა ანდერძით იმპერია თავის ორ ვაჟს - არკადიუსსა და ჰონორიუსს - გაუყო;

იმპერატორის დაცვის მეთაური ოდოაკრი აღმოსავლეთ პროვინციებს დაეპატრონა;

იმპერატორ იუსტინიანეს გაქრისტიანებით რომის იმპერიის დაცემა დაიწყო.

# 580 რომელი მოსაზრებაა მართებული სელჩუკთა ტომის სახელწოდების წარმომავლობის შესახებ?

სელჩუკი ერქვა ერთ-ერთ მეთაურს, რომელმაც თურქული ტომების ნაწილი გააერთიანა;

სელჩუკი ეწოდებოდა იმ ველს, რომელზედაც ისინი თავდაპირველად ცხოვრობდნენ;

სელჩუკი ეწოდებოდა თურქული დამწერლობის ერთ-ერთ სახეობას;

სელჩუკი ერქვა ამ თურქული ტომის მთავარ ღვთაებას.

# 581 რომელი მსჯელობაა მართებული VI ჯვაროსნული ლაშქრობის შესახებ?

ჯვაროსნები ალჟირში შეიჭრნენ და დედაქალაქი აიღეს, თუმცა მალე მისი დატოვება მოუხდათ;

ჯვაროსნებმა ბაღდადი და დამასკო აიღეს, მაგრამ ვერ შეძლეს იერუსალიმის დაბრუნება;

საფრანგეთის მეფე შარლ IX-ის მეთაურობით ჯვაროსნებმა აკრის ციხის გარნიზონი ალყისაგან იხსნეს;

იმპერატორმა ფრიდრიხ II-მ ეგვიპტის მმართველთან შეთანხმებით იერუსალიმი დროებით დაიბრუნა.

1 2 3

გვერდი 1 / 31

შესვლა

კონტაქტი

კატეგორიები

ისტორია>გასული წლების ტესტები (ყველა ქვეკატეგორიის კითხვები)

ისტორია>გასული წლების ტესტები
(ყველა ქვეკატეგორიის კითხვები)